ಜಗವೆಲ್ಲ ಶಿವಲೀಲೆ ಭಗವದರ್ಥದ ಲೀಲೆ |
ಖಗಲೀಲೆ ಮೃಗಲೀಲೆ ಕ್ರಿಮಿಕೀಟಲೀಲೆ ||
ನಗ ನದೀ ನದ ಲೀಲೆ ಮೇಲೆ ಮನುಜರಲೀಲೆ |
ಅಗಣಿತದ ಲೀಲೆಯದು - ಮರುಳ ಮುನಿಯ || (೯೮)
(ಭಗವತ್+ಅರ್ಥದ)
ಈ ಪ್ರಪಂಚವೆಲ್ಲವೂ ಆ ಪರಮಾತ್ಮನ ಆಟ. ಭಗವಂತನ ಲೀಲಾ ವಿನೋದ ದೃಷ್ಟಿಯ ಆಟಗಳಿವು. ಹಕ್ಕಿ(ಖಗ)ಗಳ ಆಟ, ಪ್ರಾಣಿಗಳ ಆಟ, ಕೀಟಗಳ ಆಟ, ಬೆಟ್ಟ (ನಗ), ಗಂಡು ನದಿ (ನದ) ಮತ್ತು ಹೆಣ್ಣು ನದಿಗಳ ಆಟಗಳು. ಇವುಗಳೆಲ್ಲವೂ ಅಲ್ಲದೆ ಅದು ಮನುಷ್ಯರ ಆಟ. ಲೆಕ್ಕಕ್ಕೆ ಸಿಗಲಾರದಷ್ಟು (ಅಗಣಿತ) ಆಟಗಳಿವು.
No comments:
Post a Comment