ಧೀಯುಕ್ತಿಯೊಂದಲ್ಲ, ಹೃದ್ಭಕ್ತಿಯೊಂದಲ್ಲ |
ಮಾಯೆಯುಂ ಪರಿದು ತತ್ತ್ವವ ತೋರ‍್ಪ ಬೆಳಕು ||
ಆಯೆರಡು ಕಣ್ಗಯೊಂದಾಗೆ ಮೂರನೆಯ ಕಣ್ |
ಧ್ಯೇಯವನು ಕಂಡೀತೊ - ಮರುಳ ಮುನಿಯ || (೧೭೨)
(ಧೀಯುಕ್ತಿ+ಒಂದಲ್ಲ)(ಹೃದ್ಭಕ್ತಿ+ಒಂದಲ್ಲ)(ಕಣ್ಗಳ್+ಒಂದಾಗಿ)
ಬುದ್ಧಿಶಕ್ತಿ ಮತ್ತು ಚಾತುರ್ಯಗಳು ಒಂದು ಕಣ್ಣಿದ್ದಂತೆ, ಹೃದಯಪೂರ್ವಕ ಭಕ್ತಿ ಇನ್ನೊಂದು ಕಣ್ಣಿದ್ದಂತೆ, ಈ ಪ್ರಪಂಚವನ್ನು ಮುಸುಕಿರುವ ಮಾಯೆಯನ್ನು ನಿವಾರಿಸಿ ಸಾರವನ್ನು ನಮಗೆ ತೋರಿಸಬಲ್ಲ ಬೆಳಕಿನ ಕಣ್ಣು ಮತ್ತೊಂದು ಕಣ್ಣು. ಈ ಮೊದಲಿನ ಎರಡು ಕಣ್ಣುಗಳೂ ಒಂದಾದಲ್ಲಿ ಮೂರನೆಯ ಕಣ್ಣಿನಿಂದ ನಮ್ಮ ಬಾಳಿನ ಗುರಿಯನ್ನು ಕಾಣಲಾದೀತು.
No comments:
Post a Comment