ತನುವಿಕಾರಗಳ ನಡುವಣ ಜೀವದೇಕತೆಯ |
ಹೊನಲಿನೇಕತೆಯನಲೆಸಾಲುಗಳ ನಡುವೆ ||
ಇನಚಂದ್ರ ಪರಿವರ್ತನೆಗಳೊಳವರೇಕತೆಯ |
ಮನಗಾಣಿಪುದು ಚಿತ್ತು - ಮರುಳ ಮುನಿಯ || (೬೫)
(ಜೀವದ+ಏಕತೆಯ)(ಹೊನಲಿನ್+ಏಕತೆಯನ್+ಅಲೆಸಾಲುಗಳ)(ಪರಿವರ್ತನೆಗಳೊಳ್+ಅವರ+ಏಕತೆಯ)
ದೇಹವು (ತನು) ರೂಪಾಂತರಗೊಳ್ಳುವುದರ (ವಿಕಾರಗಳ) ಮಧ್ಯೆ ಜೀವದ ಏಕತೆಯನ್ನು, ಅಲೆಗಳ ಸಾಲುಗಳ ಮಧ್ಯೆ ಹೊಳೆಯ (ಹೊನಲಿನ) ಏಕತೆಯನ್ನು ಮತ್ತು ಸೂರ್ಯ (ಇನ) ಚಂದ್ರರ ಸುತ್ತುವಿಕೆಯಲ್ಲಿ ಅವರ ಏಕತೆಯನ್ನು ನಮಗೆ ತಿಳಿಯಪಡಿಸುವುದು, ಜ್ಞಾನ (ಚಿತ್ತು).
