ನಮ್ಮ ರವಿ ಭೂಗೋಲಗಳಿನಾಚೆ ನೂರಾರು |
ನೂರ್ಮಡಿಯ ಬಲದ ರವಿ ಭೂಗ್ರಹಗಳಿಹುವು ||
ಹೊಮ್ಮಿಸುವಳಿನ್ನೆಷ್ಟನೋ ಪ್ರಕೃತಿ ಮರಮರಳಿ |
ಬ್ರಹ್ಮಶಕ್ತಿಯಪಾರ - ಮರುಳ ಮುನಿಯ || (೫೭)
(ಭೂಗೋಲಗಳಿನ್+ಆಚೆ)(ಭೂಗ್ರಹಗಳ್+ಇಹುವು)(ಹೊಮ್ಮಿಸುವಳ್+ಇನ್ನೆಷ್ಟನೋ)(ಬ್ರಹ್ಮಶಕ್ತಿಯು+ಅಪಾರ)
ನಾವು ಈಗ ಜೀವಿಸುತ್ತಿರುವ ಸೂರ್ಯ ಮತ್ತು ಭೂಗೋಲಗಳಿಂದ ಆಚೆಗೆ, ನೂರಾರು ಮತ್ತು ನೂರುಪಟ್ಟು ಹೆಚ್ಚು ಶಕ್ತಿ ಇರುವ ಸೂರ್ಯ ಮತ್ತು ಭೂಗ್ರಹಗಳಿವೆ. ಪ್ರಕೃತಿಯು ಪುನಃ ಪುನಃ ಇನ್ನೂ ಎಷ್ಟೆಷ್ಟೋ ಸೂರ್ಯ ಮತ್ತು ಭೂಗ್ರಹಗಳನ್ನು ಉಂಟಾಗುವಂತೆ ಮಾಡುತ್ತಾಳೆ. ಬ್ರಹ್ಮಶಕ್ತಿ ಬಹಳ ಅಧಿಕವಾದದ್ದು (ಅಪಾರ).
