ಲೀಲೆಯಿಂ ಪಾರಾಗು ಲೀಲೆಯಿಂ ಮೇಲಾಗು (112)

ಲೀಲೆಯಿಂ ಪಾರಾಗು ಲೀಲೆಯಿಂ ಮೇಲಾಗು |

ಲೀಲೆಯೊಳಗೋಲಾಡು ಲೀಲೆಯಂ ನೋಡು ||

ಲೀಲೆಯೊಳಚಾಲಕನು ಪಾಲಕನು ನೀನಾಗಿ |

ಮೂಲೋಕದಾನಂದಿ - ಮರುಳ ಮುನಿಯ || (೧೧೨)

(ಪಾರ್+ಆಗು)(ಮೇಲ್+ಆಗು)(ಲೀಲೆಯೊಳಗೆ+ಓಲಾಡು)(ಲೀಲೆಯ+ಒಳಚಾಲಕನು)(ನೀನ್+ಆಗಿ)(ಮೂಲೋಕದ+ಆನಂದಿ)

ಈ ಆಟದಿಂದ ತಪ್ಪಿಸಿಕೊಂಡು ಪಾರಾಗು, ಈ ಆಟದಿಂದ ಇನ್ನೂ ಮೇಲುಗಡೆಗೆ ಹೋಗು, ಈ ಆಟದಲ್ಲಿ ಸಂತೋಷದಿಂದ ಪಾಲುಗೊಳ್ಳು. ಈ ಆಟವನ್ನು ವೀಕ್ಷಿಸು. ಈ ಆಟವನ್ನು ನಡೆಯಿಸುವನಾಗಿ ಮತ್ತು ಅದರ ರಕ್ಷಕ(ಪಾಲಕ)ನೂ ಆಗಿ ಮೂರೂ (ಮೂ) ಲೋಕಗಳಲ್ಲೂ ಸಂತೋಷಪಟ್ಟು ಸುಖಿಸುವಂತವನಾಗು.