ಹಿಂದಿನ ವಿವೇಕಾಚಾರವಿಂದಿಗಪ್ರಕೃತವೆನ- |
ಲಿಂದಿನ ವಿವೇಕಾಚಾರ ಮುಂದಿಗೆಂತಹುವು ? ||
ಎಂದೆಂದಿಗುಂ (ಸಂದ) ತತ್ತ್ವವೊಂದಲ್ತೆ ಅದ-|
ರಿಂದೆಲ್ಲವನು ನೋಡು - ಮರುಳ ಮುನಿಯ || (೭೩)
(ವಿವೇಕ+ಆಚಾರ+ಇಂದಿಗೆ+ಅಪ್ರಕೃತ+ಎನಲ್+ಇಂದಿನ)(ಮುಂದಿಗೆ+ಎಂತು+ಅಹುವು)
(ತತ್ತ್ವ+ಒಂದಲ್ತೆ)(ಅದರಿಂದ+ಎಲ್ಲವನು)
ಹಿಂದಿನ ಕಾಲದ ಯುಕ್ತಾಯುಕ್ತ ವಿಚಾರಗಳು ಮತ್ತು ಒಳ್ಳೆಯ ನಡತೆಯ ನಿಯಮಗಳು ಇಂದಿನ ಕಾಲಕ್ಕೆ ಅನ್ವಯಿಸಲಾರವೆಂದರೆ, ಇಂದಿನ ವಿಚಾರ ಮತ್ತು ಸಂಪ್ರದಾಯಗಳನ್ನು ಮುಂಬರುವ ಕಾಲಗಳಿಗೆ ಒಪ್ಪಲಾಗುವುದೇನು? ಯಾವತ್ತಿಗೂ ಒಪ್ಪತಕ್ಕತಂಹ ಒಂದು ಸಿದ್ಧಂತವಿರುವುದು ತಾನೆ? ಅಂಥಾ ಸಿದ್ಧಾಂತದ ಹಿನ್ನಲೆಯಲ್ಲಿ ಎಲ್ಲ ಯುಕ್ತಾಯುಕ್ತ ವಿಚಾರ ಮತ್ತು ಸಂಪ್ರದಾಯಗಳನ್ನು ನೋಡು.
