ಎಂತು ನಾಂ ಕಾಡಿದೊಡಮಿವನಳಿಯದುಳಿದಿರ‍್ಪನ್ |
ಎಂತಪ್ಪ ಧೀರನಿವನೇನಮೃತಸಾರನ್ ! ||
ಇಂತೆನುತೆ ಮರ್ತ್ಯರೊಳೆ ಪಂಥ ಹೂಡಿಪನು ವಿಧಿ |
ಸಂತತ ಸ್ಪರ್ಧೆಯದು - ಮರುಳ ಮುನಿಯ || (೫೬)
(ಕಾಡಿದೊಡಂ+ಇವನ್+ಅಳಿಯದೆ+ಉಳಿದಿರ‍್ಪನ್)(ಧೀರನ್+ಇವನು+ಏನ್+ಅಮೃತ+ಸಾರನ್)(ಇಂತು+ಎನುತೆ)
"ಇವನನ್ನು ನಾನು ಎಷ್ಟು ಪೀಡಿಸಿದರೂ (ಕಾಡಿದೊಡಂ) ಸಹ ಇವನು ನಾಶವಾಗದೆ (ಅಳಿಯದೆ) ಇನ್ನೂ ಉಳಿದಿರುವನಲ್ಲಾ ! ಇವನು ಯಾವ ರೀತಿಯ (ಎಂತಪ್ಪ) ಧೀರ? ಇವನೇನು ಅಮೃತವನ್ನು ಸೇವಿಸಿರುವನೋ?" ಹೀಗೆ ಹೇಳುತ್ತ ಮನುಷ್ಯರ ಜೊತೆ ವಿಧಿಯು ಪಂಥವನ್ನು ಹೂಡಿರುವನು. ಯಾವಾಗಲೂ (ಸಂತತ) ಇರುವಂತಹ ಸ್ಪರ್ಧೆ ಇದು.
No comments:
Post a Comment