ಕಿಡಿಯನುರಿಯಿಂದ ಬೇರೆಂದು ತೋರಿಸುತಿರ್ಪ (62)

ಕಿಡಿಯನುರಿಯಿಂದ ಬೇರೆಂದು ತೋರಿಸುತಿರ್ಪ |

ಬೆಡಗು ಮಾಯೆಯದು ಗಾಳಿಯು ಬೀಸುತಿರಲು ||

ನಡುಗಿಪ್ಪುದೆಲ್ಲವನು ಒಂದೆಡೆಯೊಳೆರಡೆಂದು |

ಹುಡುಗಾಟವಾಗುವುದು - ಮರುಳ ಮುನಿಯ || (೬೨)

(ಕಿಡಿಯಂ+ಉರಿಯಿಂದ)(ಬೇರೆ+ಎಂದು)(ತೋರಿಸುತ+ಇರ್ಪ)

(ನಡುಗಿಪ್ಪುದು+ಎಲ್ಲವನು)(ಒಂದು+ಎಡೆಯೊಳ್+ಎರಡು+ಎಂದು)(ಹುಡುಗಾಟ+ಆಗುವುದು)

ಒಂದು ದೊಡ್ಡ ಬೆಂಕಿಯು ಉರುಯಿತ್ತಿರುವಾಗ ಅದರಿಂದ ಹಾರಿದ ಕಿಡಿಯು ಬೇರೆ ಎಂದು ತೋರಿಸುತ್ತಿರುವ ಬೆಡಗು ಮಾಯೆಯಿಂದ ಆಗುತ್ತದೆ. ಹಾಗೆಯೇ ರಭಸವಾಗಿ ಗಾಳಿಯು ಬೀಸುತ್ತಿರುವಾಗ ಅದು ಅದರೆದುರಿಗೆ ಬರುವ ವಸ್ತುಗಳೆಲ್ಲವನ್ನೂ ಅಲುಗಾಡಿಸಿ ಒಂದು ವಸ್ತುವನ್ನು ಎರಡೆಂದು ಕಾಣಿಸುವಂತೆ ಮಾಡುತ್ತದೆ. ಇದು ಪರಮಾತ್ಮನ ಹುಡುಗಾಟವಾಗಿದೆ.