ವಸ್ತುವಿರುವದದೊಂದು ಕಣ್ಗೆರಡೆನಿಪ್ಪುದದು |
ವ್ಯಕ್ತ ಪ್ರಪಂಚವೊಂದವ್ಯಕ್ತಮೊಂದು ||
ನಿತ್ಯಮಾಯೆರಡು ವೊಂದೆಂಬಂತೆ ಬಾಳ್ವವನು |
ತತ್ತ್ವ ಪರಿಪೂರ್ಣನೆಲೊ- ಮರುಳ ಮುನಿಯ || (೬೯)
(ವಸ್ತು+ಇರುವದು+ಅದು+ಒಂದು)(ಕಣ್ಗೆ+ಎರಡು+ಎನಿಪ್ಪುದು+ಅದು)(ಪ್ರಪಂಚ+ಒಂದು+ಅವ್ಯಕ್ತಂ+ಒಂದು)
(ನಿತ್ಯಂ+ಆ+ಎರಡು)(ಒಂದು+ಎಂಬಂತೆ)(ಪರಿಪೂರ್ಣನ್+ಎಲೊ)
ಇರುವುದು ಒಂದೇ ಒಂದು ವಸ್ತುವಾದರೂ, ಅದು ನಮ್ಮ ಕಣ್ಣುಗಳಿಗೆ ಎರಡರಂತೆ ಎನ್ನಿಸುತ್ತದೆ. ಪ್ರಕಟ(ವ್ಯಕ್ತ)ವಾಗಿರುವ ಪ್ರಪಂಚವೊಂದು ಮತ್ತು ಕಾಣದ (ಅವ್ಯಕ್ತ) ಪ್ರಪಂಚ ಇನ್ನೊಂದು. ಪ್ರತಿದಿನವೂ ಇವೆರಡೂ ಒಂದೇ ಎನ್ನುವಂತೆ ಜೀವನವನ್ನು ನಡೆಸುವವನು, ಸಂಪೂರ್ಣವಾದ ಸತ್ಯವನ್ನು ಅರಿತವನು.
No comments:
Post a Comment