ಗುರಿಯೇನು ಜೀವನಕೆ ಗುರಿಯರಿತು ಜೀವಿಪುದು |
ಧರೆಯಿಂದ ಶಿಖರಕೇರುವುದು ಪುರುಷತನ ||
ಕಿರಿದರಿಂ ಹಿರಿದಾಗುವುದು ದಿನದಿನದೊಳಿನಿತನಿತು |
ಪರಮಾರ್ಥ ಸಾಧನೆಯೊ - ಮರುಳ ಮುನಿಯ || (೧೮೮)
(ಗುರಿ+ಅರಿತು)(ಶಿಖರಕೆ+ಏರುವುದು)(ಹಿರಿದು+ಆಗುವುದು)(ದಿನದಿನದೊಳ್+ಅನಿತು+ಅನಿತು)
ಮೋಕ್ಷಸಾಧನೆಗೆ ಮಾರ್ಗಗಳನ್ನು ಮಾನ್ಯ ಡಿ.ವಿ.ಜಿಯವರನ್ನು ಇಲ್ಲಿ ಹೇಳುತ್ತಿದ್ದಾರೆ. ನಾವು ನಡೆಸುತ್ತಿರುವ ಈ ಬಾಳಿಗೆ ಏನಾದರೂ ಉದ್ದೇಶಗಳುಂಟೋ? ಆ ಉದ್ದೇಶಗಳನ್ನು ತಿಳಿದುಕೊಂಡು ಬಾಳನ್ನು ನಡೆಸುವುದು ಮತ್ತು ಭೂಮಿ(ಧರೆ)ಯಿಂದ ಪರ್ವತದ ತುದಿಯನ್ನು ಹತ್ತುವುದು ಪುರುಷತನದ ಲಕ್ಷಣ. ಪ್ರತಿನಿತ್ಯವೂ ಸ್ವಲ್ಪ ಸ್ವಲ್ಪವಾಗಿ ಚಿಕ್ಕ ಮತ್ತು ಸಣ್ಣದಾಗಿರುವುದರಿಂದ, ದೊಡ್ಡದು ಮತ್ತು ಶ್ರೇಷ್ಠವಾಗುವುದು, ಮೋಕ್ಷವನ್ನು ಪಡೆಯುವುದು ಸಾಧನವಾಗಿದೆ.
No comments:
Post a Comment