ಲೋಕಮೈತ್ರಿಗೆ ತಪ್ಪದೇಕಾಂತದಲಿ ನಿಂತು (599)

ಲೋಕಮೈತ್ರಿಗೆ ತಪ್ಪದೇಕಾಂತದಲಿ ನಿಂತು |
ಸಾಕಲ್ಯವನು ಕಾಣುತೇಕಾಂಶಗಳಲಿ ||
ಪ್ರಾಕೃತದ್ವಂದ್ವಗಳ ಮೀರ‍್ದ ಧರ್ಮದಿ ಚರಿಸೆ |
ಶೋಕ ಭಯವೇಂ ನಿನಗೆ - ಮರುಳ ಮುನಿಯ || (೫೯೯)

(ತಪ್ಪದೆ+ಏಕಾಂತದಲಿ)(ಕಾಣುತ+ಏಕ+ಅಂಶಗಳಲಿ)

ಜಗತ್ತಿನ ಸ್ನೇಹಕ್ಕಾಗಿ ಒಬ್ಬಂಟಿಗನಾಗಿ ತಪ್ಪಿಸಿಕೊಳ್ಳದೇ ನಿಂತುಕೊಂಡು, ಏಕವಾಗಿರುವ ಭಾಗಗಳಲ್ಲಿ ಪರಿಪೂರ್ಣತೆ(ಸಾಕಲ್ಯ)ಯನ್ನು ಕಾಣುತ್ತಾ, ಪ್ರಕೃತಿಯಿಂದಾದ ಸುಖ ದುಃಖಾದಿ ದ್ವಂದ್ವಗಳನ್ನು (ಪ್ರಾಕೃತದ್ವಂದ್ವ) ಮೀರಿದ ಧರ್ಮದಿಂದ ನೀನು ನಡೆದುಕೊಂಡಲ್ಲಿ, ನಿನಗೆ ದುಃಖ ಮತ್ತು ಹೆದರಿಕೆಗಳು ಏಕೆ ಬಂದೀತು?
(ಕೃಪೆ: ಶ್ರೀ. ಶ್ರೀಕಾಂತ್‍ರವರ "ಮರುಳ ಮುನಿಯನ ಕಗ್ಗ - ತಾತ್ಪರ್ಯ")

Stay in solitude without jeopardizing universal harmony
See the whole in each part meet with,
If you walk the path of dharma rising above the natural dualities
You will be free from the fear of sorrow – Marula Muniya
(Translation from "Thus Sang Marula Muniya" by Sri. Narasimha Bhat)