ಗಾಧೇಯ ತಪಕಡ್ಡವಿಡೆ ಮೇನಕಾದಿಗಳ (601)

ಗಾಧೇಯ ತಪಕಡ್ಡವಿಡೆ ಮೇನಕಾದಿಗಳ-|
ನಾದಿತೇಯರ್ ಕಳುಹಿದಂತೆ ಮಾಯೆಗಳು ||
ರೋಧಗಳನಾಗಿಪುವು ನಿನ್ನ ವ್ರತಂಗಳ್ಗೆ |
ಸಾಧನೆಗೆ ದೃಢನಿಲ್ಲೊ - ಮರುಳ ಮುನಿಯ || (೬೦೧)

(ತಪಕೆ+ಅಡ್ಡ+ಇಡೆ)(ಮೇನಕೆ+ಆದಿಗಳನ್+ಆದಿತೇಯರ್)(ರೋಧಗಳನ್+ಆಗಿಪುವು)

ಗಾಧಿಯ ಮಗನಾದ ವಿಶ್ವಾಮಿತ್ರನು ಮಾಡುತ್ತಿದ್ದ ಘೋರವಾದ ತಪಸ್ಸಿಗೆ ಅಡ್ಡಿಯನ್ನುಂಟುಮಾಡಲು, ಮೇನಕೆ ಮೊದಲಾದ ಅಪ್ಸರೆಯರುಗಳನ್ನು ದೇವತೆಗಳು (ಅದಿತೇಯರ್) ಕಳುಹಿಸಿದಂತೆ, ಪ್ರಪಂಚದ ಮಾಯೆಗಳು, ನೀನು ಮಾಡುವ ವ್ರತಗಳಿಗೆ ಅಡ್ಡಿ(ರೋಧ) ಆತಂಕಗಳನ್ನು ಉಂಟುಮಾಡುತ್ತವೆ. ನೀನು ಅವುಗಳಿಗೆ ಹೆದರದೆ ನೀನು ಸಾಧಿಸಬೇಕಾದ ಕೆಲಸವನ್ನು ಗಟ್ಟಿಯಾಗಿ ನಿಂತು ಮಾಡು.
(ಕೃಪೆ: ಶ್ರೀ. ಶ್ರೀಕಾಂತ್‍ರವರ "ಮರುಳ ಮುನಿಯನ ಕಗ್ಗ - ತಾತ್ಪರ್ಯ")

The Gods of heaven deputed heavenly damsels like Menaka
To place hurdles on the path of Gadheya’s penance
Likewise the worldly illusions are obstacles to your austerities
But you should stay firm in the pursuit of dharma – Marula Muniya
(Translation from "Thus Sang Marula Muniya" by Sri. Narasimha Bhat)