ಅಹಿತನಾರ್ ನಿನಗಿಹದಿ ಪರದೊಳೆಲ್ಲಾದೊಡಂ (280)

ಅಹಿತನಾರ್ ನಿನಗಿಹದಿ ಪರದೊಳೆಲ್ಲಾದೊಡಂ |
ಇಹನವಂ ನಿನ್ನೊಳಿಲ್ಲಿಯೆ ಮನದ ಗವಿಯೊಳ್ ||
ಅಹಮೆಂಬ ರಾಕ್ಷಸಂ ಬಹುರೂಪಿ ಬಹುಮಾಯಿ |
ದಹಿಸು ನೀಂ ಮೊದಲವನ - ಮರುಳ ಮುನಿಯ || (೨೮೦)

(ಅಹಿತನ್+ಆರ್)(ನಿನಗೆ+ಇಹದಿ)(ಪರದೊಳ್+ಎಲ್ಲಾದೊಡಂ)(ಇಹನ್+ಅವಂ)(ನಿನ್ನೊಳ್+ಇಲ್ಲಿಯೆ)(ಅಹಂ+ಎಂಬ)(ಮೊದಲ್+ಅವನ)

ನಿನಗೆ ಈ ಪ್ರಪಂಚದಲ್ಲಿ, ಪರಲೋಕದಲ್ಲಿ ಮತ್ತು ಎಲ್ಲೆಲ್ಲಿಯೂ ಇರುವ ಶತ್ರು ಯಾರೆಂದರೆ, ಅವನು ನಿನ್ನೊಳಗಡೆಯೇ ನಿನ್ನ ಮನಸ್ಸಿನ ಗುಹೆಯಲ್ಲಿಯೇ ಇದ್ದಾನೆ. ಅವನು ಹಲವಾರು ಆಕಾರಗಳನ್ನು ಮತ್ತು ಮಾಯಾರೂಪಗಳನ್ನು ತಾಳಿರುವ ಅಹಂಕಾರವೆಂಬ ರಾಕ್ಷಸ. ಮೊಟ್ಟಮೊದಲಿಗೆ ಆ ಅಹಂಕಾರವನ್ನು ಸುಟ್ಟುಹಾಕು (ದಹಿಸು).

(ಕೃಪೆ: ಶ್ರೀ. ಶ್ರೀಕಾಂತ್ ರವರ "ಮರುಳ ಮುನಿಯನ ಕಗ್ಗ - ತಾತ್ಪರ್ಯ")

Who is your enemy in this world, in the other world and anywhere else?
Here he is in the cave of your own mind,
He is your ego, a demon of many guises and tricks
Reduce him to ashes first – Marula Muniya (280)

(Translation from "Thus Sang Marula Muniya" by Sri. Narasimha Bhat)