ಅಂದಿನಂದಂದಿಗದು ಮುಂದೆ ಸಾಗುವ ಲೀಲೆ (593)

ಅಂದಿನಂದಂದಿಗದು ಮುಂದೆ ಸಾಗುವ ಲೀಲೆ |
ಸಂಧಾನಗಳನೆಲ್ಲ ಮೀರ‍್ದುದಾ ಲೀಲೆ ||
ಅಂದಂದಿಗಂದಂದು ಬಂದಿಹುದು ಕರ್ತವ್ಯ |
ಸಂದುದನು ನಿರ್ವಹಿಸು - ಮರುಳ ಮುನಿಯ || (೫೯೩)

(ಅಂದಿನ+ಅಂದ್+ಅಂದಿಗೆ+ಅದು)(ಸಂಧಾನಗಳನ್+ಎಲ್ಲ)(ಮೀರ‍್ದುದು+ಆ)(ಅಂದಂದಿಗೆ+ಅಂದಂದು)(ಬಂದು+ಇಹುದು)

ಅವತ್ತಾವತ್ತಿಗೆ ಮುಂದೆ ಹೋಗುತ್ತಿರುವ ಈ ಜಗತ್ತಿನ ವಿದ್ಯಮಾನಗಳೆಂಬ ಆಟ. ಹೊಂದಾಣಿಕೆಗಳೆಲ್ಲವನ್ನೂ ದಾಟಿ ಹೋಗುತ್ತಿರುವ ಆಟವಿದು. ಅವತ್ತಾವತ್ತಿಗೆ ನೀನು ಮಾಡಬೇಕಾದ ಕೆಲಸ ಕಾರ್ಯಗಳು ನಿನ್ನ ಪಾಲಿಗೆ ಬರುತ್ತವೆ. ಹಾಗೆ ನಿನ್ನ ಪಾಲಿಗೆ ಬಂದಿರುವುದನ್ನು ನಿರ್ಯೋಚನೆಯಿಂದ ಗೊಣಗದೆ ನಿಭಾಯಿಸು (ನಿರ್ವಹಿಸು).
(ಕೃಪೆ: ಶ್ರೀ. ಶ್ರೀಕಾಂತ್‍ರವರ "ಮರುಳ ಮುನಿಯನ ಕಗ್ಗ - ತಾತ್ಪರ್ಯ")

Doing a day’s duty on that day itself if the play of progress
The play has no shortcuts or compromises
On each day the day’s duty would present itself
Discharge the duty that falls to your lot – Marula Muniya
(Translation from "Thus Sang Marula Muniya" by Sri. Narasimha Bhat)