ಮನೆಯೇನು ಮಠದಂತೆ ನೀತಿಪಾಠಕಶಾಲೆ (378)

ಮನೆಯೇನು ಮಠದಂತೆ ನೀತಿಪಾಠಕಶಾಲೆ |
ಅಣಗಿಪುದಹಂಕೃತಿಯ ವಿಗಡತೆಯ ಬಿಡದೆ ||
ವಿನಯಗಳ ಕಲಿಸುವುದು ಜನಹಿತವ ಬೆಳೆಯಿಪುದು |
ಗುಣ ಶೀಲ ಗುರು ಗೃಹಿತೆ - ಮರುಳ ಮುನಿಯ || (೩೭೮)

(ಅಣಗಿಪುದು+ಅಹಂಕೃತಿಯ)

ಮನೆಯೆನ್ನುವುದು ಮಠದಂತೆ ನಮಗೆ ಒಳ್ಳೆಯ ನಡತೆಗಳನ್ನು ಹೇಳಿಕೊಡುವ ಪಾಠಶಾಲೆ. ಅದು ಸಾಹಸ ಮತ್ತು ಧೈರ್ಯ(ವಿಗಡತೆ)ಗಳನ್ನು ತೊರೆಯದೆ ನಮ್ಮಗಳ ಅಹಂಕಾರವನ್ನು ಅಡಗುವಂತೆ ಮಾಡುತ್ತದೆ. ಅದು ನಮಗೆ ನಮ್ರತೆ, ಸೌಜನ್ಯಗಳನ್ನು ಕಲಿಸುತ್ತದೆ ಮತ್ತು ಲೋಕದಲ್ಲಿರುವ ಜನಗಳಿಗೆ ಒಳ್ಳೆಯದಾಗುವುದನ್ನು ವೃದ್ಧಿಪಡಿಸುತ್ತದೆ. ಈ ರೀತಿಯಾಗಿ ಗೃಹಸ್ಥನ ಜೀವನವನ್ನು ನಿರ್ವಹಿಸುವುದು (ಗೃಹಿತೆ) ಅವನ ಸಚ್ಚಾರಿತ್ರ್ಯ ಮತ್ತು ನಡವಳಿಕೆಗಳನ್ನು ಬೆಳೆಸುವ ಗುರುವಾಗುತ್ತದೆ.
(ಕೃಪೆ: ಶ್ರೀ. ಶ್ರೀಕಾಂತ್‍ರವರ "ಮರುಳ ಮುನಿಯನ ಕಗ್ಗ - ತಾತ್ಪರ್ಯ")

Home is a moral school like a monastery
It enables one to subdue one’s ego without giving up his tenacity
It trains one to learn cultured manners and facilitates social welfare
Household teaches one to build up good character and noble conduct – Marula Muniya
(Translation from "Thus Sang Marula Muniya" by Sri. Narasimha Bhat)