ಹೊರಗೆ ಘನಲೋಕ ನಿನ್ನೊಳಗೆ ಸುಯ್ವ ರಹಸ್ಯ (239)

ಹೊರಗೆ ಘನಲೋಕ ನಿನ್ನೊಳಗೆ ಸುಯ್ವ ರಹಸ್ಯ |
ಎರಡಕಂ ನಡುವೆ ಸುಳಿಸುಳಿವ ಮುಗಿಲ ಪೊರೆ ||
ಅರಿತು ನೀಂ ಮೂರನದಕದಕೆ ಸಲುವುದ ಸಲಿಸೆ |
ಇರುವೆಡೆಯೆ ಪರ ನಿನಗೆ - ಮರುಳ ಮುನಿಯ || (೨೩೯)

(ಮೂರನ್+ಅದಕೆ+ಅದಕೆ)(ಇರುವ+ಎಡೆಯೆ)

ಹೊರಗೆ ಗಟ್ಟಿಯಾದ ಪ್ರಪಂಚವಿದೆ. ಆದರೆ ನಿನ್ನ ಒಳಗೆ ಉಸಿರುವ ರಹಸ್ಯವಿದೆ. ಇವೆರಡರ ಮಧ್ಯದಲ್ಲಿ ಮೋಡ(ಮುಗಿಲು)ದ ಪದರವು ಚಲಿಸುತ್ತಿದೆ. ಈ ಮೂರನ್ನೂ ನೀನು ಅರ್ಥಮಾಡಿಕೊಂಡು ಯಾವು ಯಾವುದಕ್ಕೆ ಏನೇನು ಸಂದಾಯವಾಗಬೇಕೋ ಅವುಗಳನ್ನು ತಲುಪಿಸಿದಲ್ಲಿ, ನೀನಿರುವ ಜಾಗದಲ್ಲೇ ನಿನಗೆ ಸದ್ಗತಿ ದೊರಕುತ್ತದೆ.

(ಕೃಪೆ: ಶ್ರೀ. ಶ್ರೀಕಾಂತ್‍ರವರ "ಮರುಳ ಮುನಿಯನ ಕಗ್ಗ - ತಾತ್ಪರ್ಯ")

Solid world outside and the unseen mystery breathing inside,
Layers of clouds sailing between the two,
If you know these three and offer hem their dues
Your own humble place will be heaven to you – Marula Muniya

(Translation from "Thus Sang Marula Muniya" by Sri. Narasimha Bhat)