ಗುಣಶಕ್ತಿಗಳ ಸೃಷ್ಟಿಯನುವಂಶ ಪ್ರತ್ಯೇಕ (414)

ಗುಣಶಕ್ತಿಗಳ ಸೃಷ್ಟಿಯನುವಂಶ ಪ್ರತ್ಯೇಕ |
ಜನ ಜನದೊಳಿರಿಸಿರ್ಪಳನ್ಯೋನ್ಯಮವರು ||
ವಿನಿಮಯ ನ್ಯಾಯದಿಂ ಕೊರತೆಯಂ ತುಂಬುತ್ತ |
ಅನುವಹುದು ಕಲಿಯಲ್ಕೆ - ಮರುಳ ಮುನಿಯ || (೪೧೪)

(ಸೃಷ್ಟಿ+ಅನುವಂಶ)(ಜನದೊಳ್+ಇರಿಸಿರ್ಪಳ್+ಅನ್ಯೋನ್ಯಂ+ಅವರು)(ಅನು+ಅಹುದು)

ಸ್ವಭಾವ ಮತ್ತು ಬಲಾಬಲಗಳು ಅನುವಂಶಿಕೆಯಿಂದ ಬರುವಂತೆ ಸೃಷ್ಟಿಯು ಬೇರೆ ಬೇರೆ ಜನಗಳಲ್ಲಿ ಇರಿಸಿದೆ. ಪರಸ್ಪರ ಸ್ನೇಹ, ಪ್ರೀತಿ ಮತ್ತು ಕೊಟ್ಟು, ಕೊಳ್ಳುವ(ವಿನಿಮಯ) ನೀತಿಗಳಿಂದ ಕೊರತೆಗಳನ್ನು ಹೋಗಲಾಡಿಸಿಕೊಂಡರೆ ಕಲಿಯಲು ಸರಿಯಾಗುತ್ತದೆ.
(ಕೃಪೆ: ಶ್ರೀ. ಶ್ರೀಕಾಂತ್‍ರವರ "ಮರುಳ ಮುನಿಯನ ಕಗ್ಗ - ತಾತ್ಪರ್ಯ")

Qualities, abilities and heredity gifted by Nature
Differ from man to man and therefore
They should mutually exchange, complement and make good the deficiency
And be prepared to learn from one another – Marula Muniya
(Translation from "Thus Sang Marula Muniya" by Sri. Narasimha Bhat)