ಭೂಜದಂಗ ವಿಕಾಸ ಪಾರಂಪರಿಯ ನೋಡು (206)

ಭೂಜದಂಗ ವಿಕಾಸ ಪಾರಂಪರಿಯ ನೋಡು |
ಬೀಜದಿಂದಗೆ ಕಡ್ಡಿ ಚಿಗುರು ತರುವಾಯಿಂ ||
ರಾಜಿಪುದು ನೆನೆ ಹೂವು ಮರಳಿ ಕಾಯೊಳು ಬೀಜ |
ಸಾಜವೀಕ್ರಮ ವಿವೃತಿ - ಮರುಳ ಮುನಿಯ || (೨೦೬)

(ಭೂಜದ+ಅಂಗ)(ಬೀಜದಿಂದ+ಅಗೆ)(ಸಾಜ+ಈ+ಕ್ರಮ)

ಒಂದು ಮರದ (ಭೂಜದ) ಭಾಗಗಳು ಅರಳುವ ಪರಂಪರೆ(ಪಾರಂಪರಿ)ಯನ್ನು ನೋಡು. ಬೀಜದಿಂದ ಮೊಳಕೆ(ಅಗೆ), ಕಡ್ಡಿ, ಚಿಗುರು, ನಂತರ ಮೊಗ್ಗು(ನನೆ) ಮತ್ತು ಹೂವುಗಳು ಮೆರೆಯುತ್ತವೆ (ರಾಜಿಪುದು). ಪುನಃ ಕಾಯಿಯೊಳಗೆ ಬೀಜ ಇರುತ್ತದೆ. ಈ ಪರವರ್ತನೆಯು (ವಿವೃತಿ) ಪ್ರಪಂಚದಲ್ಲಿ ಸಹಜವಾಗಿರುವ (ಸಾಜ) ಕ್ರಮ.