Tuesday, July 5, 2011

ಇರುವೊಂದು ಮೆರೆವೊಂದು ಅರಿವೊಂದು ಮೂರನುಂ (35)

ಇರುವೊಂದು ಮೆರೆವೊಂದು ಅರಿವೊಂದು ಮೂರನುಂ |
ಪೊರುವೊಂದು ಪರಿಕಿಸಿದರರ್ಥವಂ ಮರುಳೆ ||
ಇರುವುದದು ಸತ್ಯ ಮೆರೆವುದು ಲೋಕ ಅರಿವಾತ್ಮ |
ವೊರುವುದೇ ಬ್ರಹ್ಮವನು -ಮರುಳ ಮುನಿಯ || (೩೫)

 (ಇರುವು+ಒಂದು)(ಮೆರೆವು+ಒಂದು)(ಅರಿವು+ಒಂದು)(ಪೊರು+ಒಂದು)(ಪರಿಕಿಸು+ಇದರ+ಅರ್ಥವನು)
(ಇರುವುದು+ಅದು)(ಅರಿವು+ಆತ್ಮ)

 ಶ್ರೇಷ್ಠವಾದದ್ದು ಒಂದು, ಎದ್ದುತೋರುವ ಚೈತನ್ಯವಿನ್ನೊಂದು, ಜ್ಞಾನ ಮತ್ತೊಂದು. ಈ ಮೂರನ್ನು ಹೊರುವುದು ಒಂದಿದೆ. ಇದರ ಅರ್ಥವನ್ನು ಪರೀಕ್ಷಿಸು. ಓ ದಡ್ಡ! ಶ್ರೇಷ್ಠನಾಗಿ ಇರುವುದೇ ಸತ್ಯ. ಎದ್ದು ತೋರುವ ಚೈತನ್ಯವೇ ಈ ಪ್ರಪಂಚ. ಅರಿವು ಆತ್ಮ. ಆದರೆ ಇವೆಲ್ಲವನ್ನು ಹೊರುವುದೇ ಆ ಪರಬ್ರಹ್ಮ.

No comments:

Post a Comment