ಇರುವುದೇ ಸತ್ಯವದು ವಿವಿಧವಪ್ಪುದೆ ಲೋಕ-|
ವದನರಿವುದೇ ಆತ್ಮನೆಲ್ಲವನು ಧರಿಪ ||
ಪರವಸ್ತುವೇ ಬ್ರಹ್ಮವದ ಸ್ಮರಿಸಿ ಬದುಕಲಾ |
ಪರಮಪದವಿರುವಿಕೆಯೆ - ಮರುಳ ಮುನಿಯ || (೮೮)
(ವಿವಿಧ+ಅಪ್ಪುದೆ)(ಲೋಕ+ಅದನ್+ಅರಿವುದೇ)(ಆತ್ಮನ್+ಎಲ್ಲವನು)
(ಬದುಕಲ್+ಆ+ಪರಮಪದ+ಇರುವಿಕೆಯೆ)
ಇರುವುದೇ ನಿಜವಾದದ್ದು. ಅದು ನಾನಾ ಬಗೆಯಲ್ಲಿ ಕಾಣಿಸಿಕೊಳ್ಳುವುದೇ ಪ್ರಪಂಚ. ಅದನ್ನು ತಿಳಿದುಕೊಂಡಿರುವುದೇ ಆತ್ಮ. ಈ ಎಲ್ಲವನ್ನೂ ಹೊತ್ತಿರುವ (ಧರಿಪ) ಪರವಸ್ತುವೇ ಬ್ರಹ್ಮ. ಅದನ್ನು ಸದಾಕಾಲದಲ್ಲೂ ಜ್ಞಾಪಕದಲ್ಲಿಟ್ಟುಕೊಂಡು ನಮ್ಮ ನಮ್ಮ ಜೀವನವನ್ನು ನಡೆಸಿದ್ದಲ್ಲಿ ಮೋಕ್ಷದ ಅನುಭವವನ್ನು ಹೊಂದುತ್ತೇವೆ.
No comments:
Post a Comment