ಅವನ ಕಣ್ಗಿವನ ಬಾಳ್ಕುಣಿದಾಟಗಳು ತಪ್ಪು |
ಇವನ ಕಣ್ಗವನಿರವುನೋಟಗಳು ಬೆಪ್ಪು ||
ಅವನವನಿಗವನವನ ಹುಚ್ಚಾಟದಲಿ ನಚ್ಚು |
ಶಿವನಿಗೆಲ್ಲವು ಮೆಚ್ಚು - ಮರುಳ ಮುನಿಯ || (೧೧೪)
(ಕಣ್ಗೆ+ಇವನ)(ಬಾಳ್+ಕುಣಿದಾಟಗಳು)(ಕಣ್ಗೆ+ಅವನ+ಇರವು+ನೋಟಗಳು)(ಅವನವನಿಗೆ+ಅವನವನ)
ಒಬ್ಬನ ಕಣ್ಣುಗಳಿಗೆ ಇನ್ನೊಬ್ಬನ ಜೀವನ ಮತ್ತು ಹಾರಾಟಗಳು ತಪ್ಪಾಗಿ ಕಾಣುತ್ತವೆ. ಇನ್ನೊಬ್ಬನ ಕಣ್ಣುಗಳಿಗಾದರೋ ಇವನ ಸ್ಥಿತಿ (ಇರುವು) ಮತ್ತು ಪ್ರದರ್ಶನಗಳು ತಿಳಿಗೇಡಿತನ ಮತ್ತು ದಿಗ್ಭ್ರಮೆಗಳಾಗಿ ಕಾಣುತ್ತವೆ. ಅವರವರಿಗೆ ಅವರವರ ಮನಬಂದಂತೆ ನಡೆಯುವ ಪ್ರವೃತ್ತಿಗಳಲ್ಲಿ ಅಪಾರ ನಂಬಿಕೆ (ನಚ್ಚು). ತಾನು ಮಾಡುತ್ತಿರುವುದೇ ಸರಿ ಎಂಬ ವಿಶ್ವಾಸ. ಆದರೆ ಪರಮಾತ್ಮನಿಗಾದರೋ ಇವರೆಲ್ಲರ ಭಾವನೆ ಮತ್ತು ವರ್ತನೆಗಳಲ್ಲಿ ಸಮ್ಮತಿ ಮತ್ತು ಸಂತೋಷವುಂಟು.
No comments:
Post a Comment