ಕಡಲಿಂಗೆ ಧುಮ್ಮಿಕ್ಕಿ ಕಣ್ಮೂಗುಗಳ ಬಿಗಿದು |
ಮುಳುಗಿ ತಡಕಾಡಿ ಮೇಲ್ಬಂದು ದಡ ಸೇರ್ವ ||
ಕಡಲಾಡಿವೋಲ್ಬೊಮ್ಮಚೈತನ್ಯವಾಡುವುದು |
ಪೊಡವಿಯಾ ಮಡುವಿನಲಿ - ಮರುಳ ಮುನಿಯ || (೧೮)
(ಕಣ್+ಮೂಗುಗಳ) (ಕಡಲಾಡಿ+ವೋಲ್+ಬೊಮ್ಮ+ಚೈತನ್ಯವು+ಆಡುವುದು)
ಕಣ್ಣು ಮತ್ತು ಮೂಗುಗಳನ್ನು ಬಿಗಿದುಕೊಂಡು ಸಮುದ್ರ(ಕಡಲು)ದೊಳಕ್ಕೆ ಅದರಲ್ಲಿ ಮುಳುಗಿ ತಡಕಾಡಿ ನಂತರ ಮೇಲೆ ಬಂದು ದಡವನ್ನು ಸೇರುವ ಕಡಲಾನ್ವೇಷಕನಂತೆ (ಕಡಲಾಡಿ) ಪರಬ್ರಹ್ಮನ ಚೇತನದ ಶಕ್ತಿ ಈ ಪ್ರಪಂಚದ (ಪೊಡವಿ) ಮಡುವಿನಲ್ಲಿ ಆಡುತ್ತಿರುತ್ತದೆ.
No comments:
Post a Comment