ಏಕದಿನನೇಕಗಳು ಸಾಕಾರನಾಮಗಳು (47)

ಏಕದಿನನೇಕಗಳು ಸಾಕಾರನಾಮಗಳು |
ಲೋಕವಿದು ನೋಡೆ ನೀಂ (ಕೃತ್ಸ್ನ ದರ್ಶನದಿಂ) ||
ಏಕದೊಳ್ ನೀನು ಸಾಕಲ್ಯವನ್ನನುಭವಿಸೆ |
ಸಾಕಲ್ಯಯೋಗವದು - ಮರುಳ ಮುನಿಯ || (೪೭)


(ಏಕದಿಂ+ಅನೇಕಗಳು) (ಸಾಕಲ್ಯವನ್+ಅನುಭವಿಸೆ)

ನೀನು ಪೂರ್ಣವಾಗಿ(ಕೃತ್ಸ್ನ ದರ್ಶನದಿಂ) ಈ ಪ್ರಪಂಚವನ್ನು ಕಂಡಾಗ, ಇದು ಒಂದರಿಂದ ಬಹುವಾಗಿ ಆಗಿರುವ ವಿಧವಿಧವಾದ ರೂಪ (ಸಾಕಾರ) ಮತ್ತು ಹೆಸರು(ನಾಮ)ಗಳಿಂದ ಕೂಡಿರುವ ಪ್ರಪಂಚವೆಂದು ತಿಳಿಯುತ್ತದೆ. ನಿನ್ನ ಏಕತೆಯಲ್ಲಿಯೇ ನೀನು ಪ್ರಪಂಚದೆಲ್ಲವನ್ನೂ ಅನುಭವಿಸಿದಲ್ಲಿ ಪರಿಪೂರ್ಣತೆ(ಸಾಕಲ್ಯ)ಯ ಪ್ರಾಪ್ತಿಯಾಗುತ್ತದೆ.