ಜಗವಿಹುದನಾದಿಯದು ಮೊದಲಿಲ್ಲ ಕೊನೆಯಿಲ್ಲ |
ಯುಗದಿಂದ ಯುಗಕೆ ಹರಿವುದು ಜೀವ ನದಿವೊಲ್ ||
ಅಘಪುಣ್ಯಗಳ ಬೇರ್ಗಳೆಂದಿನಿಂ ಬಂದಿಹವೊ |
ಬಗೆ ಮುಂದೆ ಗತಿಯೆಂತೊ - ಮರುಳ ಮುನಿಯ || (೫೮)
(ಜಗ+ಇಹುದು+ಅನಾದಿ+ಅದು)(ಬೇರ್ಗಳ್+ಎಂದಿನಿಂ)
ಜಗತ್ತು ಪುರಾತನ ಕಾಲ(ಅನಾದಿ)ದಿಂದಲೂ ಇದೆ. ಅದಕ್ಕೆ ಮೊದಲು ಮತ್ತು ಕೊನೆಗಳಿಲ್ಲ. ಒಂದು ಯುಗದಿಂದ ಇನ್ನೊಂದು ಯುಗಕ್ಕೆ ಇದು ಜೀವನದಿಯಂತೆ ಹರಿಯುತ್ತಿದೆ. ಪಾಪ (ಅಘ) ಮತ್ತು ಪುಣ್ಯಗಳ ಬೇರುಗಳು ಎಂದಿನಿಂದ ಬಂದಿರುವುವೋ ನಮಗೆ ತಿಳಿಯದು. ಮುಂದಿನ ಅವಸ್ಥೆ ಹೇಗೆ ಎಂದೂ ತಿಳಿಯದು.
No comments:
Post a Comment