Monday, August 1, 2011

ಸರ್ವೋಽಹಮಿಂದೆ ನಿರ್ಮೂಲಮಪ್ಪುದಹಂತೆ (48)

ಸರ್ವೋಽಹಮಿಂದೆ ನಿರ್ಮೂಲಮಪ್ಪುದಹಂತೆ|
ನಿರ್ವಿಕಾರದ ಶಾಂತಿ ನಿರಹಂತೆಯಿಂದೆ ||
ನಿರ್ವಾಂಛೆ ಶಾಂತಿಯಿಂದದು ಸರ್ವಸಮದೃಷ್ಟಿ|
ಸರ್ವಾತ್ಮ್ಯವಾನಂದ - ಮರುಳ ಮುನಿಯ || (೪೮)



(ಸರ್ವೋಽಹಂ+ಇಂದೆ)(ನಿರ್ಮೂಲಂ+​ಅಪ್ಪುದು+ಅಹಂತೆ)(ಶಾಂತಿಯಿಂದ+ಅ​ದು)

ಸರ್ವವೂ ನಾನೇ ಎಂಬ ಭಾವನೆಯಿಂದ (ಸರ್ವೋಽಹಂ) ಅಹಂಕಾರವು (ಅಹಂತೆ) ನಿರ್ಮೂಲವಾಗುತ್ತದೆ. ಈ ಅಹಂಕಾರ ಭಾವನೆ ಇಲ್ಲದಿರುವುದರಿಂದ ತಳಮಳವಿಲ್ಲದ ನೆಮ್ಮದಿ ದೊರಕುತ್ತದೆ. ಬಯಕೆಗಳಿಲ್ಲದಿರುವುದರಿಂದ (ನಿರ್ವಾಂಛೆ), ನೆಮ್ಮದಿ ಮತ್ತು ಎಲ್ಲರನ್ನೂ ಸಮನಾಗಿ ನೋಡುವ ಭಾವನೆಯುಂಟಾಗಿ ಆನಂದಕ್ಕೆ ಕಾರಣವಾಗುತ್ತದೆ.

No comments:

Post a Comment