ನರಗಣ್ಯ ಭೇದಗಳ ಕಾಲ ದಿಗ್ದೇಶಗಳ |
ಜರೆರುಜೆಗಳೆಲ್ಲ ವಿಕೃತಿಗಳ ಪಾರಿಸುತೆ ||
ದೊರಕಿಪುದು ಜಗದ ನಾನಾತ್ವದೊಳಗೈಕ್ಯವಂ |
ಸ್ಮರಣೆ ಚಿನ್ಮಹಿಮೆಯದು - ಮರುಳ ಮುನಿಯ || (೬೬)
(ದಿಕ್+ದೇಶಗಳ)(ನಾನಾತ್ವದೊಳಗೆ+ಐಕ್ಯವಂ)(ಚಿತ್+ಮಹಿಮೆ+ಅದು)
ಮನುಷ್ಯರ ತಾರತಮ್ಯ ಭೇದಗಳನ್ನು (ನರಗಣ್ಯ ಭೇದಗಳ), ಕಾಲ, ದಿಕ್ಕು ಮತ್ತು ಪ್ರದೇಶಗಳ, ಮುಪ್ಪು (ಜರೆ) ಮತ್ತು ರೋಗ (ರುಜೆ)ಗಳ ಎಲ್ಲಾ ಬದಲಾವಣೆಗಳನ್ನು ನೋಡಿದರೆ (ಪಾರಿಸುತೆ) ನಮಗೆ ಜಗತ್ತಿನ ನಾನಾ ಆಕಾರಗಳಲ್ಲಿ ಒಂದು ಏಕರೂಪತೆಯು ಕಾಣಬರುತ್ತದೆ. ಇದು ನಮಗೆ ಪರಮಾತ್ಮನ ಮಹಿಮೆಯನ್ನು ಜ್ಞಾಪಕಕ್ಕೆ ತರುತ್ತದೆ.
No comments:
Post a Comment