ನೃತ್ಯ ಲೀಲೆಯ ತೋರ್ಪ ಸತ್ತ್ವವದು ಸೌಂದರ್ಯ |
ನಿತ್ಯ ನಿಶ್ಚಲಮಿರ್ಪ ಸತ್ತ್ವವದು ಸತ್ಯ ||
ಸತ್ಯ ಸೌಂದರ್ಯಗಳ್ ಬ್ರಹ್ಮಮಾಯೆಗಳೊಡಲು |
ಪ್ರತ್ಯೇಕಮವರಿರರೊ - ಮರುಳ ಮುನಿಯ || (೭೭)
(ಸತ್ತ್ವ+ಅದು)(ನಿಶ್ಚಲಂ+ಇರ್ಪ)(ಬ್ರಹ್ಮಮಾಯೆಗಳ್+ಒಡಲು)(ಪ್ರತ್ಯೇಕಂ+ಅವರ್+ಇರರೊ)
ನಾಟ್ಯದ ಆಟವನ್ನು ತೋರಿಸುವ ಸಾರವೇ ಸೌಂದರ್ಯ. ಯಾವಾಗಲೂ ಅಚಲವಾಗಿರುವ ಸಾರವನ್ನೇ ಸತ್ಯ ಎನ್ನುವುದು. ಸತ್ಯ ಮತ್ತು ಸೌಂದರ್ಯಗಳು ಬ್ರಹ್ಮ ಮಾಯೆಯ ದೇಹ. ಇವು ಬೇರೆ ಬೇರೆಯಾಗಿ ಇರಲಾರವು.
No comments:
Post a Comment