ಚೈತನ್ಯ ಲೀಲೆಯೊಳಗೇನುಂಟದೇನಿಲ್ಲ |
ಜ್ಞಾತಮಜ್ಞಾತಂಗಳೂಹ್ಯಮದನೂಹ್ಯಂ ||
ದ್ವೈತಮದ್ವೈತಂ ವಿಶಿಷ್ಟಾದ್ವೈತ ಭೇದಂಗ-|
ಳಾತನೊಳಗೈಕ್ಯವೆಲೊ - ಮರುಳ ಮುನಿಯ || (೧೧೧)
(ಲೀಲೆಯೊಳಗೆ+ಏನುಂಟು+ಅದೇನಿಲ್ಲ)(ಜ್ಞಾತಂ+ಅಜ್ಞಾತಂಗಳ್+ಊಹ್ಯಂ+ಅದು+ಅನೂಹ್ಯಂ)(ದ್ವೈತಂ+ಅದ್ವೈತಂ)(ಭೇದಂಗಳ್+ಆತನೊಳಗೆ+ಐಕ್ಯವೆಲೊ)
ಈ ಪರಮಾತ್ಮನ ಚೇತನದ ಆಟಗಳಲ್ಲಿ ಏನಿದೆ ಮತ್ತು ಏನಿಲ್ಲ? ಅದರಲ್ಲಿ ಎಲ್ಲವೂ ಇವೆ. ತಿಳಿದಿರುವಂತಹು (ಜ್ಞಾತ) ತಿಳಿಯದಿರುವಂತಹುವು (ಅಜ್ಞಾತ). ಊಹೆಗೆ ದೊರಕುವಂತಹವು (ಊಹ್ಯಂ), ಊಹಿಸಲಸಾಧ್ಯವಾದಂತಹವು (ಅನೂಹ್ಯಂ). ದ್ವೈತ, ಅದ್ವೈತ ಮತ್ತು ವಿಶಿಷ್ಟಾದ್ವೈತಗಳ ವ್ಯತ್ಯಾಸಗಳೆಲ್ಲವೂ ಪರಮಾತ್ಮನಲ್ಲಿ ಸೇರಿ ಒಂದಾಗಿಹೋಗಿವೆ.
No comments:
Post a Comment