ಅವನಿವನ ನೀನವನ ನಾನಿವನ ನೀನೆನ್ನ |
ಸವರಿ ಮೈಮರೆಸುತಿರೆ ತಿವಿದುರುಬಿಸುತಿರೆ ||
ಅವಗುಂಠಿತನದೊರ‍್ವನೀಕ್ಷಿಸುತೆ ನಗುತಿಹನು |
ಶಿವಲೀಲೆ ನಮ್ಮ ಬಾಳ್ - ಮರುಳ ಮುನಿಯ || (೯೯)
(ಅವನ್+ಇವನ)(ನೀನ್+ಅವನ)(ನಾನ್+ಇವನ)(ನೀನ್+ಎನ್ನ)(ಮೈಮರೆಸುತ+ಇರೆ)
(ತಿವಿದು+ಉರುಬಿಸುತ+ಇರೆ)(ಅವಗುಂಠಿತನ್+ಅದು+ಒರ‍್ವನ್+ಈಕ್ಷಿಸುತೆ)
ಅವನು ಇವನನ್ನು, ನೀನು ಅವನನ್ನು, ನಾನು ಇವನನ್ನು, ನೀನು ನನ್ನ, ಮೈಸವರಿ ಮೈಮರೆಸಿ, ಚುಚ್ಚಿ(ತಿವಿದು) ಒಬ್ಬರ ಮೇಲೊಬ್ಬರು ಬೀಳುವಂತೆ ಮಾಡಿಸುತ್ತಿರಲು (ಉರಿಬಿಸುತಿರೆ), ಮುಸುಕು ಹಾಕಿಕೊಂಡು (ಅವಗುಂಠಿತ) ನಮ್ಮ ಕಣ್ಣುಗಳಿಗೆ ಕಾಣಿಸಿಕೊಳ್ಳದಿರುವನೊಬ್ಬನು, ಇವುಗಳನ್ನು ಕಂಡು (ಈಕ್ಷಿಸುತೆ) ನಗುತ್ತಾ ಆನಂದದಿಂದಿದ್ದಾನೆ. ನಮ್ಮ ಜೀವನವೆಲ್ಲವೂ ಪರಮಾತ್ಮನ ಆಟವೇ ಹೌದು.
No comments:
Post a Comment