ಭಯದಿ ನಿರ್ಭಯವೀವ ದೈವಚಿಹ್ನೆಯದೊಂದು |
ದಯಿತೆಯೊರ್ವಳು ಭವದ ಹೊರೆಯ ಪಾಲ್ಗೊಳಲು ||
ನಿಯತವೃತ್ತಿಯದೊಂದು ದಿನದಿನದ ಭತ್ಯಕ್ಕೆ |
ತ್ರಯದೆ ಭಾಗ್ಯವೊ ಬಾಳು - ಮರುಳ ಮುನಿಯ || (೧೭೧)
(ನಿರ್ಭಯ+ಈವ)(ದೈವಚಿಹ್ನೆ+ಅದು+ಒಂದು)(ಪಾಲ್+ಕೊಳಲು)(ನಿಯತವೃತ್ತಿ+ಅದು+ಒಂದು)
ನಿನಗೆ ಭಯವುಂಟಾದಾಗ ನಿನಗೆ ಅಭಯವನ್ನು ಕೊಡುವ ಪರಮಾತ್ಮನ ಸಂಕೇತ(ಚಿಹ್ನೆ)ವೊಂದು. ನಿನ್ನ ಜೊತೆ ಸಂಸಾರದ ಭಾರದಲ್ಲಿ ಪಾಲುಗೊಳ್ಳಲು ಪ್ರೀತಿಸುವ(ದಯಿತೆ)ವಳೊಬ್ಬಳು. ಪ್ರತಿದಿನದ ಜೀವನವನ್ನು ಸಾಗಿಸಲು ಸಂಬಳ ಬರುವ ನಿಶ್ಚಿತವಾದ ಒಂದು ಉದ್ಯೋಗ(ನಿಯತವೃತ್ತಿ). ಈ ಮೂರೂ ಸೇರಿದರೆ ಸಾರ್ಥಕ ಜೀವನ ಎನ್ನಬಹುದು.
No comments:
Post a Comment