Sunday, March 25, 2012

ದೃಶ್ಯವೆಲ್ಲಂ ನಶ್ಯವೆಂಬರಂತಿರೆಯುಮೀ - (180)


ದೃಶ್ಯವೆಲ್ಲಂ ನಶ್ಯವೆಂಬರಂತಿರೆಯುಮೀ - |
ದೃಶ್ಯಮಿರ‍್ವನ್ನಮದು ದ್ರಷ್ಟವ್ಯಮಲ್ತೆ ||
ಸಸ್ಯವಳಿದೊಡಮದರ ಫಲ ನಿನ್ನ ಜೀವಿತಕೆ |
ರಸ್ಯಾನ್ನವಾಯಿತಲ! - ಮರುಳ ಮುನಿಯ || (೧೮೦)

(ದೃಶ್ಯ+ಎಲ್ಲಂ)(ನಶ್ಯ+ಎಂಬರಂತು+ಇರೆಯುಂ+ಈ)(ದೃಶ್ಯಂ+ಇರ‍್ವನ್ನಂ+ಅದು)(ದ್ರಷ್ಟವ್ಯಂ+ಅಲ್ತೆ)(ಸಸ್ಯ+ಅಳಿದೊಡಂ+ಅದರ)(ರಸ್ಯಾನ್ನ+ಆಯಿತು+ಅಲ)

ನಮ್ಮ ಕಣ್ಣುಗಳಿಗೆ ಗೋಚರಿಸತಕ್ಕಂತಹುದೆಲ್ಲವೂ (ದೃಶ್ಯ) ಶಾಶ್ವತವಲ್ಲ (ನಶ್ಯ), ಎಂಬಂತೆ ಇದ್ದರೂ ಸಹ, ಅವು ಗೋಚರಿಸುವವರೆಗೂ, ಅವು ನೋಡಬೇಕಾದಂತಹ (ದ್ರಷ್ಟವ್ಯ) ವಸ್ತುಗಳು ತಾನೇ? ಒಂದು ಗಿಡ(ಸಸ್ಯ)ವು ಸತ್ತು(ಆಳಿ)ಹೋದರೂ ಸಹ ಅದರ ಫಸಲು (ಫಲ) ನಿನ್ನ ಜೀವನಕ್ಕೆ ಆಸ್ವಾದವಾದ ಅಹಾರ(ರಸ್ಯಾನ್ನ)ವಾಯಿತಲ್ಲವೇ?

No comments:

Post a Comment