Monday, March 23, 2015

ದುರಿತಲೋಕದಿನಳಿವುದೆಂದೆನುತ ಕೇಳದಿರು (745)

ದುರಿತಲೋಕದಿನಳಿವುದೆಂದೆನುತ ಕೇಳದಿರು |
ಅರಿವರಾರದರ ಹುಟ್ಟೆಂದೊ ಮುಗಿವೆಂದೊ ||
ನೆರವೊ ನೀನದಕೆ ನೆರವಲ್ಲವೋ ಪೇಳದನು |
ಚರಿತೆ ನಿನ್ನದು ಮುಖ್ಯ - ಮರುಳ ಮುನಿಯ || (೭೪೫)
(ದುರಿತ+ಲೋಕದಿನ್+ಅಳಿವುದು+ಎಂದು+ಎನುತ)(ಅರಿವರ್+ಆರ್+ಅದರ)(ನೆರವು+ಅಲ್ಲವೋ)(ಪೇಳ್+ಅದನು)
ಜಗತ್ತಿನಿಂದ ಪಾಪ(ದುರಿತ)ಕಾರ್ಯಗಳು ಎಂದಿಗೆ ಕೊನೆಗೊಳ್ಳುತ್ತವೆಯೆಂದು ಕೇಳಬೇಡ. ಅವು ಯಾವಾಗ ಹುಟ್ಟುವುದೋ ಮತ್ತು ಎಂದಿಗೆ ಮುಗಿಯುತ್ತವೆಯೋ ಯಾರಿಗೂ ತಿಳಿಯದು. ಮುಖ್ಯವಾಗಿ ನೀನು ಆ ಕಾರ್ಯಗಳಿಗೆ ಸಹಾಯಕವಾಗಿರುವೆಯೋ ಇಲ್ಲವೋ, ಅದನ್ನು ಮೊದಲು ಹೇಳು. ಜಗತ್ತಿನಲ್ಲಿ ನೀನು ಹೇಗೆ ನಡೆದುಕೊಳ್ಳುತ್ತಿರುವೆ ಎನ್ನುವುದು ಮುಖ್ಯ.
(ಕೃಪೆ: ಶ್ರೀ. ಶ್ರೀಕಾಂತ್‍ರವರ "ಮರುಳ ಮುನಿಯನ ಕಗ್ಗ - ತಾತ್ಪರ್ಯ")

Ask not when sorrow and suffering would come to an end in the world,
Who knows when it started and when it will end?
But make sure whether you support it or oppose it,
Your conduct for the cause is of paramount importance – Marula Muniya (745)
(Translation from "Thus Sang Marula Muniya" by Sri. Narasimha Bhat)

No comments:

Post a Comment