ಈ ಭುವನ ಮುಕುರದೊಳಗಾವಾಸಿತಂ ತನ್ನ |
ವೈಭವ ವಿಲಾಸಗಳ ಕಾಣಲೆಂದೆಳಸಿ ||
ಈ ಭಿದುರ ಭಿತ್ತಿಗಳ ನಿರವಿಸದನೋ ಅವನ |
ಶೋಭೆಗೆರಗುವ ಬಾರೊ - ಮರುಳಮುನಿಯ || (೩)
(ಮುಕುರದ+ಒಳಗೆ+ಆವಾಸಿತಂ) (ಕಾಣಲ+ಎಂದು+ಎಳಸಿ) (ಶೋಭೆಗೆ+ಎರಗುವ)
ಈ ಪ್ರಪಂಚವೆಂಬ ಕನ್ನಡಿಯ ಒಳಗೆ ವಾಸಿಸುತ್ತಿರುವ ಪರಮಾತ್ಮನು ತನ್ನ ವೈಭವ ಮತ್ತು ವಿಲಾಸಗಳನ್ನು ಕಾಣಲೆಂದು ಬಯಸಿ, ಈ ಭಂಗುರವಾದ (ಭಿದುರ) ಆಶ್ರಯಸ್ಥಾನ(ಭಿತ್ತಿ)ಗಳನ್ನು ನಿರ್ಮಾಣ ಮಾಡಿದನೋ (ನಿರವಿಸಿದನೋ) ಅವನ ಆ ಕಾಂತಿ ಮತ್ತು ಚೆಲುವುಗಳಿಗೆ ನಮಸ್ಕರಿಸೋಣ ಬಾ.
No comments:
Post a Comment