ದ್ವಂದ್ವ ತರ್ಕದಿನಾಚೆ ಶುಭ ಅಶುಭದಿಂದಾಚೆ |
ಇಂದ್ರಿಯ ಸ್ಪರ್ಶನದ ಸುಖ ದುಃಖದಾಚೆ ||
ಸಂದಿರ್ಪುದೊಂದು ದಶೆಯದು ನಿತ್ಯಸೌಖ್ಯದಶೆ |
ಎಂದುಮರಸದನು ನೀ -ಮರುಳ ಮುನಿಯ || (೫)
(ಎಂದುಮ್+ಅರಸು+ಅದನು)
ವಿರುದ್ಧ ಜಟಿಲ (ದ್ವಂದ್ವ) ತರ್ಕಗಳ ಆಚೆ, ಶುಭ ಮತ್ತು ಅಶುಭಗಳ ಆಚೆ ಮತ್ತು ನಮ್ಮ ಇಂದ್ರಿಯಗಳಿಗೆ ನಿಲುಕುವ ಸುಖ ಮತ್ತು ದುಃಖಗಳ ಆಚೆ, ಒಂದು ಸ್ಥಿತಿ(ದೆಶೆ)ಯು ಕೂಡಿಕೊಂಡಿದೆ. ಅದೇ ಸದಾ ನೆಮ್ಮದಿ, ಆರೋಗ್ಯ ಮತ್ತು ಸಂತೋಷದಿಂದಿರುವಂತಹ ಸ್ಥಿತಿ. ಎಂದೆಂದಿಗೂ ಆ ಸ್ಥಿತಿಯನ್ನು ನೀನು ಕಾಣಲು ಎತ್ನಿಸು (ಅರಸು).
No comments:
Post a Comment