ಶ್ರೀಮಂತನಾವನೀ ಭುವನ ಮುಕುರದಿ ನಿಜ |
ಸ್ವಾಮಿತೆಯ ಲೀಲೆಗಳ ನೋಡಿ ನಲಿಯಲ್ಕೀ ||
ಭೂಮ ಪ್ರಪಂಚವಂ ನಿರವಿಸಿದನೋ ಅವನ |
ನಾಮರಸುವಂ ಬಾರೊ - ಮರುಳ ಮುನಿಯ || (೪)
(ಶ್ರೀಮಂತನ್+ಆವನ್+ಈ) (ನಲಿಯಲ್ಕೆ+ಈ) (ಆವನಮ್+ಆಂ+ಅರಸುವಂ)
ಸರ್ವೈಶ್ವರಯುಕ್ತನಾದ ಯಾವನು ಈ ಪ್ರಪಂಚವೆಂವ (ಭುವನ) ಕನ್ನಡಿಯಲ್ಲಿ ತನ್ನ ಒಡೆತನದಲ್ಲಿರುವ ತಾನೇ ಸೃಷ್ಟಿಸಿದ ಲೀಲಾವಿನೋದಗಳನ್ನು ಕಂಡು ಆನಂದಿಸಲು, ಈ ಭವ್ಯ ಮತ್ತು ವೈವಿಧ್ಯಮಯವೂ ವಿಶಾಲವೂ ಆದ (ಭೂಮ) ಜಗತ್ತನ್ನು ನಿರ್ಮಾಣ ಮಾಡಿದನೋ ಅವನನ್ನು ನಾವು ಹುಡುಕೋಣ ಬಾ.
No comments:
Post a Comment