Wednesday, February 1, 2012

ವ್ಯವಹಾರಲೋಕದೊಡಗೂಡಿರುತ್ತದರೊಳಗೆ (151)

ವ್ಯವಹಾರಲೋಕದೊಡಗೂಡಿರುತ್ತದರೊಳಗೆ |
ಅವಿಕಾರ ತತ್ತ್ವ ಸಂಸ್ಮೃತಿಯ ನೀಂ ಬೆರಸೆ ||
ಭವ ನಿನಗೆ ಬೊಂಬೆ ಶಿಶುಗಪ್ಪಂತೆ ಬರಿಲೀಲೆ |
ಶಿವನೆ ಸಂಸಾರಿಯಲ - ಮರುಳ ಮುನಿಯ || (೧೫೧)
(ವ್ಯವಹಾರಲೋಕದ+ಒಡಗೂಡಿ+ಇರುತ್ತ+ಅದರ+ಒಳಗೆ)
ಈ ವ್ಯವಹಾರ ಪ್ರಪಂಚದಲ್ಲಿ ಸೇರಿಕೊಂಡು ವಿಕಾರಕ್ಕೆ ಎಡೆಗೊಡದೆ ಸಂಸಾರವನ್ನು (ಸಂಸ್ಮೃತಿ) ನಡೆಸುವ ಸಿದ್ಧಾಂತವನ್ನು ನೀನು ಬೆರೆಸಿದ್ದಲ್ಲಿ, ಸಂಸಾರ(ಭವ)ವನ್ನು ನಡೆಸುವ ಕಲೆ ನಿನಗೆ ಒಂದು ಪುಟ್ಟ ಮಗು ಬೊಂಬೆಯ ಜೊತೆ ಆಟವಾಡಿದಷ್ಟು ಲೀಲಾಜಾಲವಾಗುತ್ತದೆ. ಆ ಪರಮಾತ್ಮನೇ ವಿಶ್ವಕುಟುಂಬಿ ಆಗಿದ್ದಾನಲ್ಲವೇ?

No comments:

Post a Comment