ವರ್ಗಸೋಪಾನ ನೈಸರ್ಗಿಕ ಸಮಾಜದಲಿ (238)

ವರ್ಗಸೋಪಾನ ನೈಸರ್ಗಿಕ ಸಮಾಜದಲಿ |
ದುರ್ಗತಿಯದೇನಲ್ಲ ತಗ್ಗಿರಲಹಂತೆ ||
ಭರ್ಗನಿತ್ತೆಡೆಯಿಂದಲಾದನಿತು ಸೇವೆಯ ಸ - |
ಮರ್ಪಿಸುತ ಧನ್ಯನಾಗು - ಮರುಳ ಮುನಿಯ || (೨೩೮)

(ದುರ್ಗತಿ+ಅದು+ಏನ್+ಅಲ್ಲ)(ತಗ್ಗಿ+ಇರಲ್+ಅಹಂತೆ)(ಭರ್ಗನು+ಇತ್ತ+ಎಡೆಯಿಂದಲ್+ಆದನಿತು)

ವಿಧವಿಧವಾದ ದರ್ಜೆ ಮತ್ತು ಅಂತಸ್ತುಗಳ ತಾರತಮ್ಯದ ಮೆಟ್ಟಿಲುಗಳು ಸಮಾಜದಲ್ಲಿ ಸಹಜವೇ ಹೌದು. ತಗ್ಗಿ ಬಗ್ಗಿ ನಡೆಯುವುದು ಹೀನ ಸ್ಥಿತಿ ಎಂದೇನು ಎನ್ನಿಸುವುದಿಲ್ಲ. ಈಶ್ವರನು(ಭರ್ಗ) ನಿನಗೆ ಕೊಟ್ಟಿರುವ ಅವಕಾಶದಿಂದ ನಿನ್ನ ಪಾಲಿನ ಭಾಗ್ಯವನ್ನು ಇತರರಿಗೂ ನೀಡುವ ಮೂಲಕ ಕೃತಾರ್ಥನಾಗು.

(ಕೃಪೆ: ಶ್ರೀ. ಶ್ರೀಕಾಂತ್‍ರವರ "ಮರುಳ ಮುನಿಯನ ಕಗ್ಗ - ತಾತ್ಪರ್ಯ")

Stratification of different classes is natural in society,
It’s not such a bad situation if ego is pushed down,
Attain fulfillment by offering the maximum possible service
From whatever place God has allotted to you – Marula Muniya

(Translation from "Thus Sang Marula Muniya" by Sri. Narasimha Bhat)