Wednesday, April 25, 2012

ಸದ್ಯಸ್ಕಲೌಕಿಕಕೆ ಸರಿ ಭೌತವಿಜ್ಞಾನ (198)

ಸದ್ಯಸ್ಕಲೌಕಿಕಕೆ ಸರಿ ಭೌತವಿಜ್ಞಾನ |
ಭೇದ್ಯವದರಿಂದೆಂತು ಪರತತ್ತ್ವಸೀಮೆ ? ||
ಖಾದ್ಯರಸಗಳನರಿವ ನಾಲಗೆಗೆ ಗಾನರಸ |
ವೇದ್ಯವಹುದೆಂತಯ್ಯ - ಮರುಳ ಮುನಿಯ || (೧೯೮)

(ಭೇದ್ಯ+ಅದರಿಂದ+ಎಂತು)(ಖಾದ್ಯರಸಗಳನ್+ಅರಿವ)(ವೇದ್ಯ+ಅಹುದು+ಎಂತಯ್ಯ)

ಈಗಿನ ಕಾಲದ (ಸದ್ಯಸ್ಕ) ಲೋಕವ್ಯವಹಾರಕ್ಕೆ ಭೌತವಿಜ್ಞಾನದಿಂದ ಪ್ರಯೋಜನವುಂಟು. ಆದರೆ ಈ ವಿಜ್ಞಾನದಿಂದ ಪರಮಾತ್ಮನನ್ನು ಅರಿಯುವ ಸಿದ್ಧಾಂತದ ಗಡಿಯನ್ನು ಸೀಳಿ ಪ್ರವೇಶಿಸಲು ಸಾಧ್ಯವೇನು ? ಆಹಾರ ಪದಾರ್ಥ(ಖಾದ್ಯವಸ್ತು)ಗಳ ರುಚಿಯನ್ನು ತಿಳಿಯುವ ನಾಲಿಗೆ, ಸಂಗೀತದ ಸ್ವಾದವನ್ನು ಹೇಗೆ ತಿಳಿಯಲು ಸಾಧ್ಯ (ವೇದ್ಯ)?

No comments:

Post a Comment